Hasan Türk

Hasan Türk — Tərcümeyi-hal

Hasan Türk, 20 mart 1993-cü ildə Balıkesirin Gönen rayonunda doğulmuş türk futbolçudur. Yarımmüdafiə və cinah mövqelərində oynayır.

Futbola İstanbul Bağcılardakı yerli klub Mahmutbeysporun akademiyasında başlayıb, ardınca Beşiktaşa keçib. Qara-ağlı klubun A2 komandasında üç mövsümdə 74 oyuna çıxıb və 11 qol vurub. 2012-13 mövsümünün əvvəlində əsas heyətə çağırılıb; Süper Liqadakı ilk oyununa 2012-ci ilin avqustunda İstanbul Büyükşehir Belediyesporun qarşısında çıxıb və həmin mövsüm liqada səkkiz qarşılaşmada iştirak edib. Türkiyə Kubokunun ikinci turunda Niğde Belediyespora qarşı da start heyətində başlayıb.

Sonrakı illərdə ardıcıllıqla Göztepeyə (2013-14), Kırıkkalespora (2014-15) və Bayrampaşaspora (2015-16) icarəyə verilib. 2016-cı ilin yanvarında Beşiktaşdan ayrılıb Üsküdar Anadoluya imza atıb, bu komandada beş oyun keçirdikdən sonra 2016-cı ilin iyununda yollarını ayırıb. Daha sonra Kemerspor 2003 və Güngörensporda top qovub. Gənc yaşlarda Türkiyəni 15, 17, 19 və 20 yaşadək milli komandalarda təmsil edib.