Kerem Özyeğen

Kerem Özyeğen — Tərcümeyi-hal

Mazhar Kerem Özyeğen (d. 26 sentyabr 1977, İstanbul) — türk gitaraçı və mor ve ötesi qrupunun üzvüdür.

Ortaməktəbi İSTEK Vəqfinin Tarabya Kemal Atatürk Liseyində oxuyub. O vaxtlar Maykl Ceksona qulaq asıb piano çalırdı, sonrakı illərdə isə gitaraya və rok musiqiyə yönəldi. 1993-1996-cı illərdə Etiler Liseyində qurulan Spark adlı pank-rok qrupunda gitara çalıb vokal edib. Nirvana, Sex Pistols, Soundgarden və Rage Against the Machine təsirində olan (lakin öz bəstələrini yaradan) bu qrupla çoxlu konsert verib, bəzi demolar yazdırıb. 1994-1998-ci illər arasında vaxtaşırı "Siddhartha" qrupu ilə çalıb. Siddhartha-nın 1996-cı ildə 1-ci Roxy Musiqi Günlərində ikinciliyi bölüşdüyü heyətdə yer alıb. 1998-ci ildə çıxan qrupun ilk albomunda iştirak edib. 1996-1998-ci illər arasında "Crusiana" adlı caz-rok qrupunda bas çalıb və oxuyub. Bu qrupla 1996-cı ildə Tuborg Rok Festivalına finalçı kimi qatılıb. Bu müsabiqədə digər finalçı olan Düberni qrupundan Kerem Kabadayı və Harun Tekin ilə tanış olub. 1998-ci ilin böyük bir hissəsində Beatles, Jimi Hendrix və Rolling Stones kimi qrupların bəstələrini ifa edən Taxi adlı rok-n-roll qrupu ilə İstanbuldakı Üst və Alt Kemancı barlarında gitara çalıb vokal edib. Həmin ilin sonlarında mor ve ötesi qrupuna qoşulub. Bu qrupun bir üzvü kimi fəaliyyətini davam etdirir.

Kerem Özyeğen 1985-ci ildə Ferdi Tayfurun baş rolda oynadığı Herşeyim Sensin filmində "Murat" rolunda çəkilib.

2010-cu ildə Serbiya vətəndaşı Maria Ciric ilə evlənib. 5 iyun 2013-cü ildə qızları Ayla dünyaya gəlib.

2015-ci ildə yaşadığı İstanbuldan köçərək Serbiyanın Kikinda şəhərində yaşamağa başlayıb.