Melisa Toros

Melisa Toros — Tərcümeyi-hal

Melisa Toros 28 iyul 1986-cı ildə İstanbulda doğulub. Altı yaşında musiqi təhsilinə başlayıb, ardınca Pera Güzel Sanatlarda balet və piano ilə məşğul olub. Orta məktəb və lisey illərini Tarabya İstek Kemal Okullarında tamamlayıb. Beykent Üniversitesinin aktyorluq bölməsinə qəbul olub, bir yandan Anadolu Üniversitesində ictimaiyyətlə əlaqələr oxuyub. İrəli səviyyədə ingilis, orta səviyyədə yunan dilini bilir.

Kameranın qarşısına Anlat İstanbul filmində Azra Akının dublyoru olaraq çıxıb. Sonrakı illərdə Hababam Sınıfı Askerde, Hepsi 1 və Adanalı kimi layihələrdə yer alıb; 2013-cü ildə Show TV-nin Herşey Yolunda Merkez serialında oynayıb. Not Defteri və Kardeş Payı (2014), Mihrez: Cin Padişahı (2015) və İkimize Bir Dünya filmlərində rol alıb.

Aktyorluqla yanaşı aparıcılıq edib: S'nek kanalında Fulya və Neşe ilə Karşı Cinsin Casusları proqramını təqdim edib; Kral TV Musiqi Mükafatları və Altın Örümcek Web Ödülleri (2010), Kral Pop yeni il və Winterfest tədbirləri, Kuşadası Festivalı və Altın Güvercin Musiqi Yarışması kimi təşkilatlarda səhnəyə çıxıb. Ayrıca bəzi brendlərin kataloq çəkilişlərində fotomodellik edib.