Tchéky Karyo

Tchéky Karyo — Tərcümeyi-hal

Baruh Djaki Karyo (tanınmış adı ilə: Tchéky Karyo; 4 oktyabr 1953, İstanbul - 31 oktyabr 2025, Bretaniya), yəhudi əsilli fransız aktyor və musiqiçi.

Tchéky Karyo Sefarad kökənli bir ailədə, 1953-cü ildə İstanbulda anadan olmuşdur. Atası Türkiyə yəhudisi, anası isə Salonik yəhudisi idi. Ailəsi daha sonra Fransaya köç etdi. Karyo uşaqkən getdiyi Parisdə aktyorluğa maraq saldı. İlk sevimlisi teatr idi, Cyrano Teatrında başladığı karyerasını Companie Daniel Soranoda davam etdirdi. Daha sonra da sayılı teatrlardan biri olan Strasburqdakı Strasburq Milli Teatrına daxil oldu. ‘‘Othello’’, ‘‘Macbeth’’, ‘‘Tartuffe’’ kimi klassiklərlə yanaşı müasir teatrla da maraqlandı.

Bu arada kinoya da maraq saldı. Fransız kinosunda bir anda ulduzu parlayan Karyo, 1982-ci ildə Fransanın Oskarı olaraq bilinən César mükafatına namizəd göstərilsə də mükafatı qazana bilmədi. Karyoya gözlədiyi mükafat 1986-cı ildə gəldi. Fransanın ən nüfuzlu mükafatlarından Jean Gabin Mükafatını qazanan sənətçi, bu illərdə dünya kinosuna açıldı. 1995-ci ildə Pierce Brosnan ilə birlikdə ‘‘Goldeneye’’də oynadı. Sonra Meg Ryan və Matthew Broderick ilə oynadığı ‘‘Addicted To Love’’ və Milla Jovovich ilə fransız milli qəhrəmanı müqəddəs Jeanne d’Arcı mövzu alan ‘‘Jeanne d’Arc The Messenger’’də kamera qarşısına keçdi.

Tchéky Karyo Vatansever filmi ilə adından söz etdirdi. Mel Gibsonun ‘‘Cesur Yürek’’dən sonrakı ikinci nəhəng filmi olan ‘‘Patriot’’da bir fransız zabitini canlandıran Karyo, beynəlxalq şöhrət və uğur qazandı. İki evliliyindən iki övlad sahibi olan Karyo, 31 oktyabr 2025-ci ildə xərçəng səbəbindən 72 yaşında həyata vida etdi.