Bizim evin halları (Bizim Evin Halleri) (tərcümə)

Bizim Evin Halleri, Focus Film istehsalı olub rejissorluğunu Tülay Eratalay və Cafer Özgülün öz üzərinə götürdüyü türk ailə serialıdır. 2000-ci il fevralın 14-də TRT 1 ekranlarında başlayan serial, ilk yeddi mövsümünü (1218 seriya) 2006-cı il iyunun 30-da tamamladıqdan sonra Kanal 1-ə keçmiş, burada iki mövsüm (412 seriya) daha davam etmiş; 2008-ci ildə isə son (10-cu) mövsümü ilə atv ekranlarına köçərək 1705 seriya ilə final etmişdir. Heyətdə Ayşenil Şamlıoğlu, Hakan Salınmış, Levent Ülgen, Serhat Kılıç, Hülya Gülşen Irmak, Okan Şenozan və Mert Fırat kimi adlar yer almışdır.

Eşq, sevgi, dostluq və həmrəylik mövzularını hər yaş qrupuna müraciət edən bir dillə işləyən serial, TRT 1-dəki ilk mövsümlərində ailə komediyası tonunda ikən Kanal 1 dövründə intriqa, ayrılıq və ölüm kimi ünsürlərin ağırlıq qazandığı bir dramaya çevrilmişdir. Ümumilikdə 1705 seriya ilə Türkiyədə ən çox seriya yayımlanan, mövsüm sayı baxımından isə ən uzun davam edən gündəlik serial olma xüsusiyyətini daşımaqdadır.