Ölümcül Dövrə (Mortelle Randonnée) (tərcümə)

Claude Millerın çəkdiyi 1983-cü il istehsalı Fransız filmi Mortelle Randonnée, Marc Behmin The Eye of the Beholder adlı romanından ekranlaşdırılmışdır. Film, Belçika, Fransa və İtaliya boyunca cinayətlərlə hörülmüş bir səyahətə çıxan gənc bir qadını və onun ardınca düşən xüsusi detektivi mövzu alır.

Ssenarisi Jacques Audiard və Michel Audiard tərəfindən yazılan filmdə Michel Serrault, Isabelle Adjani və Geneviève Page əsas rolları öz üzərlərinə götürür. Fransada 9 mart 1983-cü ildə nümayişə çıxan və təxminən 917 min tamaşaçıya çatan film, Amerikada Deadly Circuit, İngiltərədə isə Deadly Run adı ilə yayımlandı. 1999-cu ildə Eye of the Beholder adı ilə yenidən çəkilən filmdə uşaq itkisi mövzusu mərkəzi yer tutur.