Disko kralı (Disko Kralı) (tərcümə)

Disko Kralı, Okan Bayülgenin hazırlayıb təqdim etdiyi türk tok-şou proqramıdır. Yayım həyatına 11 oktyabr 2008-ci ildə Kanal D-də başlayan layihə 8 oktyabr 2011-ci ildən etibarən TV8-də şənbə gecələri tamaşaçı ilə görüşdü və 30 iyun 2012-ci ildə Şebnem Ferah konserti ilə sona çatdı. Proqramda studiyaya dəvət edilən məşhur qonaqlarla müxtəlif mövzularda söhbət edilirdi.

Layihə söhbətlərlə yanaşı Medya Arkası və Medya Canavarı kimi televiziyadakı tragikomik anları ekrana gətirən küncləri və tamaşaçılara qonaqlar haqqında yumoristik sualların yönəldildiyi Malûmatfuruş bölməsi ilə irəliləyirdi. Skeçlərdə Aziz Kedi, Zeki Enes Akkan, Feyyaz Yiğit, Nihal Yalçın, Ali Biçim, Özgür Çakıt və Önder Açıkbaş rol aldı. İstehsalçılığı Bayülgenin menecəri Reyhan Tüysüz öz üzərinə götürdü. 2012-ci ilin fevralından etibarən eşitmə məhdudiyyətli tamaşaçılar üçün türk işarə dili tərcüməçisi də yayıma yoldaşlıq etdi. Proqram, komandanın əvvəlki işlərindən fərqli, çoxsaylı tematik gecəyə imza atdı.