I Agapi Argise mia Mera

I Agapi Argise mia Mera (yunanca: Η αγάπη άργησε μια μέρα), 1997-98 mövsümündə Yunanıstanın dövlət televiziyası ERT-nin ET1 kanalında yayımlanmış Yunan istehsalı televiziya serialıdır. Yunan yazıçı Lili Zografounun eyniadlı romanından uyğunlaşdırılan layihə bir mövsümdə 18 bölüm olaraq tamaşaçıların görüşünə çıxmışdır.

Rejissorluğunu Kostas Koutsomytisin üstləndiyi serialın ssenarisində Koutsomytisdən əlavə Marios Pontikas və Nikos Apeiranthitisin imzası var. Əsas rollarda Karyofyllia Karambeti, Tania Trypi, Minas Chatzisavvas, Giorgos Moschidis, Peggy Trikalioti və Afroditi Grigoriadou çıxış edir. Vassilis Dimitrioun bəstələdiyi musiqisi böyük bəyənmə qazanan serial 11 Yunan televiziya mükafatı qazanaraq To 10 ilə birlikdə ölkənin ən çox mükafat almış televiziya seriallığı adını bölüşmüş və ERT-nin ən uğurlu layihələrindən biri sayılmışdır.