Qızım Haradadır? (Kızım Nerede) (tərcümə)

Kızım Nerede?, 17 dekabr 2010-cu il ilə 3 avqust 2011-ci il tarixləri arasında atv-də yayımlanan, cinayət və dram janrında olan türk televiziya serialıdır. 2009-cu il istehsalı olan Çili telenovellası ¿Dónde está Elisa? əsasında çəkilən serial, Medya Vizyonun TVN və Telemundo ilə birgə istehsalı olaraq həyata keçirildi; rejissor kreslosunda əvvəlcə Ersoy Güler, daha sonra isə Ulaş və Atıl İnaç qardaşları oturub.

Baş rollarını Ece Uslu, Hüseyin Avni Danyal, Burak Hakkı və Özge Gürel paylaşdığı serial, ölkənin tanınmış iş adamlarından Zafer Demirayın qızı Zeynepin bir gecə əyləncə məkanından itməsi ilə alt-üst olan ailənin hekayəsini danışır. İstehsal şirkətindən haqlarını ala bilməyən Ece Uslunun 23-cü seriyadan sonra ayrılması ilə yayımına fasilə verən, yayım günündə və ssenarisində dəyişikliklər edilən serial, digər baş rol oyunçularının da ayrılacağını açıqlamasından sonra 26-cı seriyası ilə finala çıxaraq iki mövsümün sonunda ekranla vidaşdı.