Malkoçoğlu Ölüm Fədailəri (Malkoçoğlu Ölüm Fedaileri) (tərcümə)

Malkoçoğlu Ölüm Fedaileri, 1971-ci il istehsalı tarixi macəra filmidir. Ssenarisini Remzi Jöntürkün yazdığı iş Türkiyə, Pakistan və İranın birgə istehsalı kimi çəkilib. Cüneyt Arkının baş roldə yer aldığı film Malkoçoğlu seriyasının həlqələrindən biridir.

Şahzadə Arnold ilə serb şahzadə qızı Elzanın evliliyinə mane olmaq üçün göndərilən türk elçiləri Arnoldun əmri ilə sarayda öldürülür. Atasını türklərin öldürdüyünə inandırılan Elza saraydan qaçırılır. Bunun üzərinə Malkoçoğlu və yanındakı fədailəri — Koca Kurt Samsa, İlbey ilə Zorbey qardaşlar və bıçaqçı Polat — hərəkətə keçir. Dəstə şahzadə qızı və taxtın gənc varisi Enriconu Arnoldun əlindən qurtarmağa nail olur; ancaq Sandorun basqını ilə məşğul olarkən Elza, fədailərin arxadan gələn Arnold ordusuna yaxalanmasını istəmədiyi üçün öz istəyi ilə şahzadənin yanına qayıdır. Malkoçoğlu və fədailəri Elzanı qurtarmaq üçün Arnoldun qalasına gedir. Uzun və qanlı bir mübarizənin sonunda ayaqda qalanlar yalnız Malkoçoğlu ilə Elza olur.

Heyətdə Leyla Selimi, Oya Peri, Talat Hüseyin, Tuncer Necmioğlu və Danyal Topatan kimi aktyorlar da yer alır.