My Best Enemy

My Best Enemy (almanca orijinal adı Mein bester Feind) Wolfgang Murnberger-in quruluşçu rejissoru olduğu 2011-ci il istehsalı Avstriya-Lüksemburq birgə filmidir. Ssenarini Murnberger və Paul Hengge birlikdə qələmə almış, prodüserliyini Josef Aichholzer və Jani Thiltges öz üzərinə götürmüş, musiqisini isə Matthias Weber bəstələmişdir. Orijinal dili alman dili olan əsərin hadisələri İkinci Dünya Müharibəsi illərinin Vyanasında baş verir.

Hekayə Avstriyanın Alman Reyxinə birləşdirilməsindən qısa müddət sonra başlayır. Uşaqlıqdan dost olan Victor Kaufmann ilə Rudi Smekal-ın münasibəti yeni siyasi quruluş altında sınağa çəkilir: yəhudi olan Victor və ailəsi ölkəni vaxtında tərk edə bilmir və Mauthausen həbs düşərgəsinə göndərilir; Rudi isə yüksəlmək üçün NSDAP-a və SS-ə qoşulur. Kaufmann ailəsindən müsadirə edilmiş kolleksiyadakı bir Michelangelo rəsminin surət olduğu aydınlaşanda, əslinin harada gizləndiyini deməsi üçün Victor-a təzyiq göstərilir. Berlinə aparılarkən təyyarənin vurulması iki köhnə dostun taleyini tərsinə çevirir; Victor qəza yerindən çıxardığı Rudi ilə paltarlarını dəyişib SS forması geyinir və əsl kimliyinin üzə çıxmasından qorxa-qorxa yaşayarkən anasını İsveçrəyə qaçırmağın yolunu axtarır.

Baş rolları Moritz Bleibtreu, Marthe Keller və Uwe Bohm bölüşür.