Həbsxanadan qaçış (Prison Break)

Paul Scheuringin yaratdığı Prison Break, Fox kanalında 29 avqust 2005-ci ildə yayımlanmağa başlayan Amerikan istehsalı bir aksiyon və dram serialıdır. Serial, etmədiyi bir qətlə görə ölüm cəzasına məhkum edilən Lincoln Burrows (Dominic Purcell) ilə onu xilas etmək üçün həbsxananın planlarını bədəninə döymə etdirib özünü Fox River Həbsxanasına atdıran qardaşı Michael Scofieldin (Wentworth Miller) qaçış planını və sonradan baş verən hadisələri mövzu alır. Birinci mövsümün əldə etdiyi böyük tamaşaçı marağı üzərinə əvvəlcə planlaşdırılan on üç bölümə doqquz bölüm daha əlavə edildi.

Dörd mövsümdən sonra 15 may 2009-cu ildə final edən serial, 2017-ci ildə doqquz bölümlük beşinci mövsümü ilə ekranlara qayıtdı və ümumilikdə beş mövsümdə 90 bölümə çatdı. Türkiyədə əvvəlcə CNBC-e-də yayımlanan serial, daha sonra Star TV-də "Büyük Kaçış" adı ilə türkcə dublyajla göstərildi. Ramin Djawadinin musiqisi 2006-cı ildə Emmiyə namizəd göstərildi; serial 2006 People's Choice mükafatını qazandı.