Sadiqsiz (Sadakatsiz) (tərcümə)

Sadakatsiz Medyapım və Mednova imzası ilə Kanal D-də yayımlanan, dram və psixoloji triller janrında türk televiziya serialıdır. BBC One-ın 2015-ci il istehsalı Doctor Foster serialından uyğunlaşdırılan layihənin rejissorluğunu Neslihan Yeşilyurt üzərinə götürmüşdür. Ssenari ilk mövsümdə Kemal Hamamcıoğlu və Dilara Pamuk tərəfindən, ikinci mövsümdə isə Arzu Daştan Mutlu, Mustafa Mutlu, Gamze Arslan və Nuriye Bilici tərəfindən qələmə alınmışdır. İlk bölümü 7 oktyabr 2020-ci ildə ekrana gələn serial iki mövsümün sonunda 25 may 2022-ci ildə yayımlanan 60-cı bölümü ilə final etmişdir.

Baş rollarında Cansu Dere, Caner Cindoruk və Melis Sezenin yer aldığı hekayə əri Volkanın özünü aldatdığını öyrənən həkim Asyanın alt-üst olan həyatından və xəyanət qarşısında apardığı mübarizədən bəhs edir. Layihənin beynəlxalq yayımını Med Yapım və Ay Yapım ortaqlığındakı Madd Entertainment həyata keçirmiş, serial bir çox ölkədə fərqli adlarla tamaşaçı ilə görüşmüşdür.