Polis Müharibəsi (La Guerre des polices) (tərcümə)

La guerre des polices (The Police War), Robin Davisin çəkdiyi, 1979-cu il istehsalı Fransız cinayət və dram filmidir. Baş rollarında Claude Brasseur, Claude Rich və Marlène Jobert yer alır. Filmin ssenarisi, Fransız qara romanı ilə tanınan Jean-Patrick Manchette tərəfindən qələmə alınmışdır.

Filmin orijinal adı, Fransız polis təşkilatının iki bölməsi — Ərazi Briqadası ilə Qanqsterlərə Qarşı Briqada — arasındakı rəqabətə işarə edir. Hekayə, o dövrdə Fransada “bir nömrəli xalq düşməni” sayılan qanqster Jacques Mesrini tutmaq üçün bölmələr arasında yaşanan real rəqabətdən yola çıxır. Mesrinin filmin nümayişindən on gün əvvəl polis tərəfindən öldürülməsi, ictimai marağı artıraraq filmin Fransada kassa uğuru qazanmasına töhfə vermişdir. Claude Brasseur, bu filmdəki ifasına görə César Ən Yaxşı Kişi Aktyor mükafatını qazanmışdır.