Ragıp Gülen

Ragıp Gülen — Biografia

Ragıp Gülen (l. 12 korrik 1980, Giresun) është aktor turk. Pasi përfundoi Departamentin e Radios, Televizionit dhe Kinemasë në Fakultetin e Komunikimit të Universitetit Bahçeşehir, mori për dy vjet mësime kinemaje e aktrimi në Akademi Oyunculuk.

Gülen, që hodhi hapin e parë në karrierën e ekranit me serialin Lise Defteri (2003), luajti në vitet në vijim në një numër të madh serialesh si Cemalim (2005), Emret Komutanım (2005), Fırtınalı Aşk (2006), Binbir Gece (2006), Melekler Korusun (2008) dhe Yerden Yüksek (2010). Njohshmërinë e vet e shtoi me personazhin Zübeyir, të cilin mishëroi në serialin Kiralık Aşk (2014), transmetuar në Star TV, me Elçin Sangu dhe Barış Arduç në rolet kryesore. Aktori është i martuar me Reah Gülen.