Sefa Aksoy

Sefa Aksoy — Biografia

Sefa Aksoy lindi më 26 shkurt 1989 në qytetin gjerman Hamburg, si fëmijë i një familjeje punëtore turke. Familja u kthye përfundimisht në vendlindjen e tyre Samsun kur ai ishte ende fëmijë. Futbollin e nisi në akademinë e Irmak Sanayi SK, pastaj kaloi në akademinë e Samsunsporit. Në 2006 nënshkroi kontratë profesionale dhe u ngjit në ekipin e parë, ndërsa ndeshjen e parë zyrtare për Samsunspor e luajti më 22 janar 2006 në Superligë kundër Gaziantepsporit.

Te Samsunspor qëndroi deri në merkaton e dimrit të sezonit 2009-10. Megjithëse çdo sezon luante mesatarisht njëzet ndeshje zyrtare, nuk u bë i pazëvendësueshëm në njëmbëdhjetëshen e parë dhe vendosi të provonte fatin në një skuadër tjetër. Në merkaton e dimrit 2010-11 shkoi te Giresunspor në Ligën e 1-rë; pastaj veshi fanellën e Boluspor dhe në sezonin 2011-12 u transferua te Bandırmaspor. Në vitet pasuese luajti edhe te Kırklarelispor.

Në grupmosha më të ulëta u thirr 35 herë në kombëtaret e Turqisë; veshi fanellën gjithsej në 34 ndeshje, 2 në U-16, 2 në U-17, 20 në U-18 dhe 10 në U-19, dhe shënoi 4 gola.