Fi

Fi është një prodhim thriller psikologjik, i përshtatur nga trilogjia Fi, Çi ve Pi e Azra Kohen-it dhe një nga serialet e para për internet në Turqi. Seriali, i prodhuar nga Ay Yapım, me regji të Mert Baykal-it dhe skenar të Nükhet Bıçakçı-t, filloi të transmetohej në puhutv më 31 mars 2017; me sezonin e dytë përfundoi me episodin e 22-të të publikuar më 9 mars 2018 dhe më pas u shfaq edhe në Show TV.

Sezoni i parë trajton dashurinë obsesive të psikiatrit Can Manay, që jep mësim në universitet dhe bën një program terapie në televizion, për Duru-n, me të cilën njihet rastësisht, si dhe përpjekjen e reporteres Özge Egeli për të nxjerrë në shesh të shkuarën e tij të errët. Rolet kryesore i ndajnë Ozan Güven, Serenay Sarıkaya, Mehmet Günsür, Berrak Tüzünataç dhe Büşra Develi. Seriali tërhoqi interes të madh, pasi tri episodet e para arritën 3,5 milionë shikues në 50 orë.