Argjend (Gümüş) (përkthyer)

Gümüş është një serial televiziv turk dramatik e romantik, me firmën e ANS Productions, që filloi të transmetohet në Kanal D më 20 janar 2005 dhe e mbylli me episodin e 100-të më 16 qershor 2007. Prodhimi, që zgjati tri sezone, ka veçorinë se është projekti i parë i Kıvanç Tatlıtuğ në ekran; rolet kryesore i ndajnë Tatlıtuğ dhe Songül Öden, ndërsa në kast janë edhe emra si Ekrem Bora, Güngör Bayrak, Ayça Varlıer dhe Serdar Orçin.

Seriali trajton jetën e Gümüşit, një vajze të thjeshtë që e do Mehmetin që nga fëmijëria, dhe të Mehmetit, djalit të familjes së pasur Şadoğlu, si dhe jetën e të dy familjeve. Pas vdekjes së të dashurës, Mehmeti, me nxitjen e familjes së tij, martohet me Gümüşin. Seriali, që në botën arabe u transmetua në MBC 4 me emrin "Noor", me episodin e fundit arriti 85 milionë shikues dhe hapi rrugën e suksesit të serialeve turke në rajon.