Reçel fiku 2 (İncir Reçeli 2) (përkthyer)

İncir Reçeli 2 është një film dramatik turk që doli në shfaqje më 17 tetor 2014 dhe që është vazhdim i İncir Reçeli të vitit 2010. Regjinë dhe skenarin i mori përsipër Aytaç Ağırlar, i cili gjithashtu luajti në film një personazh travestiti. Në rolet kryesore të filmit 99-minutësh, prodhimin e të cilit e realizoi BKM Film, janë Halil Sezai dhe Şafak Pekdemir.

Historia trajton jetën e mëpasme të Metinit, i cili në filmin e parë, pasi humbi gruan që donte, Duygunë, hyri në një periudhë të gjatë zie. Edhe pse e xhiroi filmin e ëndrrave të tij, Metini e humb dëshirën për jetën dhe nis të mbijetojë duke kënduar netëve këngët e veta në një bar. Aty rruga e tij kryqëzohet në mënyrë të papritur me Gizemin, që është punësuar si bareste në të njëjtin bar; të dy kanë përjetuar humbje të ngjashme në të kaluarën dhe kjo gjurmë e përbashkët hap derën e një historie të re mes dy personazheve. Në trupën e aktorëve janë edhe Sinan Çalışkanoğlu, Tuğba Sarıünal dhe Ahmet Uz.