Paris, të dua (Paris, je t’aime) (përkthyer)

Paris, Seni Seviyorum (me titullin origjinal Paris, je t'aime) është një film antologjik i vitit 2006, bashkëprodhim francez, gjerman dhe zviceran, kushtuar Parisit dhe dashurisë. Prodhimi, rreth dy orë i gjatë, përbëhet nga tetëmbëdhjetë filma të shkurtër, secili i kushtuar një lagjeje tjetër të qytetit. Filmi u shfaq në vitin 2006 në seksionin Un Certain Regard të Festivalit të Filmit në Kanë dhe u bë filmi i parë i serisë Cities of Love, të zhvilluar nga Emmanuel Benbihy.

Në fillim ishin planifikuar njëzet episode për njëzet lagjet e Parisit; por dy episode u gjykuan të pamjaftueshëm dhe nuk hynë në montazhin final. Kalimet me pamje të Parisit mes episodeve i shkroi Benbihy dhe i drejtoi së bashku me Frédéric Auburtin-in. Në punën që zgjati rreth katër vjet morën pjesë 22 regjisorë, mes tyre vëllezërit Coen, Alfonso Cuarón, Gus Van Sant, Isabel Coixet, Alexander Payne, Tom Tykwer, Wes Craven, Walter Salles dhe Olivier Assayas. Episodet zgjasin rreth pesë minuta.

Në kast janë emra ndërkombëtarë si Juliette Binoche, Natalie Portman, Willem Dafoe, Steve Buscemi, Fanny Ardant, Nick Nolte, Bob Hoskins, Maggie Gyllenhaal, Gena Rowlands dhe Ben Gazzara. Filmi doli në shfaqje në Francë më 21 qershor 2006 dhe në Turqi më 30 mars 2007. Koncepti u transferua në Nju Jork në vitin 2009 me New York, I Love You.