Rexhep Ivedik 6 (Recep İvedik 6) (përkthyer)

Recep İvedik 6 është një film komedi turk i vitit 2019, me firmën e Çamaşırhane Film, që e ka drejtuar Togan Gökbakar dhe skenarin e ka shkruar me Şahan Gökbakar. Në film, që është ndërlidhja e gjashtë e serisë Recep İvedik, rolet kryesore i ndajnë Şahan Gökbakar dhe Nurullah Çelebi.

Në histori Recepi, teksa shikon televizor në shtëpi, entuziazmohet nga një ftesë që ia sjell postieri: Shoqata e Kamionistëve Kara Ambar, anëtar i së cilës është, e fton në festivalin e fasuleve të thata në Konya. Recepi merr me vete shokun e tij më të ngushtë, Nurullahun, dhe niset; por për shkak të një gabimi të agjencisë që e drejton nipi i Nurullahut, dyshja shkon në Kenia në vend të Konyas. Dy shokët, të humbur në stepat afrikane, pa e ditur ngelen në mes të luftës midis dy fiseve vendase armiq dhe kërkojnë rrugën për t'u kthyer në Turqi përmes ngjarjesh njëra më e çuditshme se tjetra.