Betim (Yemin) (përkthyer)

Yemin është një serial dramatik turk, i prodhuar nga Karamel Yapım për Kanal 7. Seriali filloi të transmetohej më 18 shkurt 2019 dhe, pas katër sezonesh, u mbyll në vitin 2022 me episodin e 503-të. Regjinë e dy sezoneve të para e bëri Ayhan Özen, ndërsa nga sezoni i tretë këtë detyrë e morën Hakan Arslan dhe Reyhan Pekar; xhirimet u zhvilluan në Stamboll.

Në qendër të historisë është Reyhan, një vajzë e re modeste, e rritur në një mjedis tradicional, e cila mbetet pa asnjë njeri pas humbjes së nënës. Hikmet Tarhun, mik i familjes dhe një nga biznesmenët më të pasur të vendit, i kërkon që të martohet me djalin e tij, Emirin. Edhe pse ndihet mirënjohëse ndaj Hikmetit, Reyhan nuk dëshiron të martohet me dikë që nuk e njeh fare; megjithatë, një sekret që Hikmeti e fsheh nga të gjithë e shtyn gruan e re drejt kësaj martese. Gruaja e Hikmetit, Cavidan, ka plane të tjera për djalin e saj, prandaj nuk e pranon kurrë një nuse nga provinca dhe bën çmos për ta përfunduar martesën. Nga ana tjetër, edhe jeta e avokatit Kemal, xhaxhait të Emirit dhe babait të vetëm që jeton me vajzën e tij pesëvjeçare, që quhet Masal, ndryshon kur një grua me emrin Leyla hyn papritur në jetën e tyre. Në rolet kryesore janë Özge Yağız dhe Gökberk Demirci.