Doğan Koloğlu

Doğan Koloğlu — Tərcümeyi-hal

Mebruk Doğan Koloğlu (16 may 1927, Sürmene – 13 noyabr 2013) türk futbolçusu, məşqçi, idman yazıçısı və idarəçisi olmuşdur.

1927-ci ildə Sürmenedə anadan olan Doğan Koloğlu ibtidai, orta və lisey təhsilini Qalatasaray Liseyində tamamlamışdır. Qalatasaraya futbolçu, idarəçi və məşqçi kimi xidmət edən Koloğlu, həmçinin Qalatasaray İdarə Heyətinin (Divan Kurulu) 2-ci sədri olmuşdur. 1963-1964-cü illərdə Beyoğluspor, 1964-cü ildə isə Feriköy komandasının məşqçisi olmuşdur. 1975-ci ildə məşqçi Cek Mansellin komandanı tərk etməsindən sonra müvəqqəti olaraq Qalatasarayın baş məşqçisi olarkən Baş Nazirlik Kubokunda çempionluğa nail olmuşdur.

Hürriyet qəzetinin idman şöbəsinin müdiri olan, Akşam, Milliyet, Sabah və Vatan qəzetlərində çalışan Koloğlu, Türkiyə İdman Yazıçıları Cəmiyyətinin (TSYD) təsisçilərindən biri idi. Doğan Koloğlu 1981-1984-cü illərdə TSYD-nin baş sədri də olmuşdur.

Koloğlu müalicə olunduğu xəstəxanada 13 noyabr 2013-cü ildə vəfat etmişdir. Atası qubernator Sadullah Koloğlu, qardaşı isə jurnalist və tarixçi Orhan Koloğludur. Zincirlikuyu qəbiristanlığında dəfn edilmişdir.