Okan Öztürk

Okan Öztürk — Tərcümeyi-hal

Okan Öztürk 30 noyabr 1977-ci ildə Amasyanın Merzifon rayonunda doğulub. Hücumçu kimi oynayıb, boyu 1,84 metrdir. Futbola doğma Merzifonsporun akademiyasında başlayıb və peşəkar karyerasına 1995-də bu klubla girib. 1996-97 mövsümündən əvvəl Türk Telekoma (köhnə adı ilə P.T.T.) keçib; ardınca Altay, Batman Petrolspor, Siirt Jetpaspor, Çaykur Rizespor və Gençlerbirliği formalarını geyinib. Superliqada yeddi mövsüm top qovub, 200-dən çox liqa oyununa çıxıb və 50-dən artıq qol vurub.

Ən böyük fərdi uğuru 1999-2000 mövsümündə Türkiyə Kuboku qolçuluq titulunu bölüşməsidir. 2009-10 mövsümünün əvvəlində Karşıyakaya transfer olub və ilk mövsümündə 13 qol vurub; növbəti mövsüm zədə ilə əlləşdiyi üçün az forma geyinib. 2011-də Bozüyükspora, 2012-də də Yeni Malatyaspora keçib.

Adı ən çox Çaykur Rizesporla anılır. Klubun Superliqa tarixində 127 oyunla ən çox forma geyinən dördüncü, 28 qolla da ən çox qol vuran oyunçusudur; tərəfdar və klub dairələrində Rizespor tarixinin ən mühüm adlarından biri sayılır.