Abuzer Kadayıf

Abuzer Kadayıf, rejissorluğunu Tunç Başaranın etdiyi, ssenarisini Kandemir Kondukun yazdığı 2000-ci il istehsalı bir türk komediya-müzikal filmidir. Replik Ajans tərəfindən həyata keçirilən film, 29 sentyabr 2000-ci ildə ekranlara çıxmışdır.

Filmdə, bir ali məktəbdə müəllim kimi çalışan Ersin Balkanın həyatı, hamilə həyat yoldaşının narkoman uşaqlar tərəfindən öldürülməsi ilə alt-üst olur. Maddə asılısı olan uşaqları cəmiyyətə qaytarmaq üçün bir təhsil mərkəzi qurmağa qərar verən Balkan, maaşı ilə bu məqsədə çata bilməyəcəyini anlayanda müğənniliyə başlayır və Abuzer Kadayıf obrazı ilə qısa müddətdə ölkə miqyasında şöhrət qazanır. Lakin villalar, kliplər və konsertlərlə davam edən bu yeni həyatı onu mafiya ilə üz-üzə qoyur. İkiqat şəxsiyyəti ilə baş rolda Metin Akpınarın yer aldığı filmdə Talat Bulut, Sibel Turnagöl, Özlem Savaş, Şebnem Özinal, Aziz Üstel və Binnur Kaya kimi adlar da rol alır.