Alp Arslan: Böyük Səlcuqlu (Alparslan: Büyük Selçuklu) (tərcümə)

Akli Film imzalı Alparslan: Büyük Selçuklu 2021-ci il noyabrın 8-də TRT 1-də yayımlanmağa başlayan tarixi qurama janrında türk serialıdır. Rejissorluğunu Sedat İncinin öz üzərinə götürdüyü film 2020-2021-ci illər arasında ekrana gələn Uyanış: Büyük Selçuklu serialından əvvəlki hadisələri nəql etməsinə baxmayaraq onun davamı xarakteri daşıyır. Serial Böyük Səlcuq İmperiyasının dövlət quruluşunu, siyasi çəkişmələrini və müharibələrini Sultan Alparslanın həyatı üzərindən işıqlandırır. Çəkilişlər Sakarya, İstanbul və Kocaelidəki TRT platoları və məkanlarında həyata keçirilmiş, açılış musiqisini Gökhan Kırdar bəstələmiş, digər musiqilər türk dünyasından alətlərlə qazax musiqiçilər tərəfindən hazırlanmışdır.

Baş rolda Alparslanı Barış Arduç canlandırır; heyətdə Fahriye Evcen, Kayra Zabcı, Mehmet Özgür, Yurdaer Okur, Sarp Levendoğlu, Barış Bağcı, Gizem Karaca və Hande Subaşı kimi adlar yer alır. İkinci mövsümü 2022-ci il sentyabrın 19-da başlayan serial iki mövsümdən sonra 2023-cü il noyabrın 6-da yayımlanan 61-ci seriyası ilə final etmişdir. Layihə tarixi həqiqətlərdə edilən dəyişikliklər səbəbindən bəzi dairələr tərəfindən tənqid olunmuşdur.