Qüds Fatehi Səlahəddin Əyyubi (Kudüs Fatihi Selahaddin Eyyubi) (tərcümə)

Qüds Fatehi Səlahəddin Əyyubi, ilk bölümü 13 noyabr 2023-cü ildə TRT1 ekranlarına gələn, tarixi və dram ağırlıqlı bir Türkiyə-Pakistan birgə istehsalı olan serialdır. Rejissor kreslosunda Sədat İnci oturarkən ssenari Sərdar Özönalan ilə Həsən Eriməzin başladığı, sonrakı bölümlərdə Səlman Qılıçarslan, Mert Özel, Ayşə Pay və Musab Kulun davam etdirdiyi bir komanda tərəfindən qələmə alınmışdır.

Serial, Əyyubi Dövlətinin qurucusu Səlahəddin Əyyubinin səlibçilərə qarşı verdiyi mübarizəni və Qüdsün yenidən müsəlmanların əlinə keçməsi prosesini əhatə edir; bu istiqamətdə Suriya, Mesopotamiya, Fələstin və Misirdəki müsəlman torpaqlarını vahid bir idarə altında birləşdirmə səyi də hekayənin vacib bir hissəsidir.

Baş rollarını Uğur Günəş, Mehmet Ali Nuroğlu, Ali Ersan Duru, Sezin Akbaşoğulları və Sezgin Erdemirin paylaşdığı filmdə Kanbolat Görkem Arslan Gümüştekini, Celal Al Adsız Bəyi və Barış Bağcı Rəşidüddin Sinanı canlandırmışdır. Türkiyədən Akli Film ilə Pakistandan Ansari and Shah Films-in ortaqlığında çəkilən serial, prodüserlərinin açıqlamalarına görə xüsusilə İslam tarixinə yad olan qeyri-müsəlman izləyicilərə çatmağı hədəfləmişdir. İki mövsüm davam edən serial, 26 may 2025-ci ildə yayımlanan 58-ci bölümü ilə final etmişdir.