Alpaslanın Fədaisi Alpago (Alpaslan'ın Fedaisi Alpago) (tərcümə)

Alpaslan'ın Fedaisi Alpago, 1967-ci il istehsalı ağ-qara Türk tarixi macəra filmidir. Nejat Saydamın rejissorluq etdiyi, Sevda Sezerin ssenarisini yazdığı və Acar Film adından Murat Köseoğlunun prodüserliyini üstləndiyi filmin quruluşçu operatoru Melih Sertesendir. 16 mm çəkilən film təxminən 100 dəqiqə davam edir və İran kinoteatrlarında "Delaver-i Semerkant" adı ilə göstərilmişdir.

Real tarixi şəxsiyyətləri qondarma hadisələr daxilində təsvir edən film Anadoluda Bizans hakimiyyətinə son qoymağı qarşısına məqsəd qoyan Böyük Səlcuq sultanı Alp Arslanı mərkəzə alır. Sultanın bir tərəfdən də Həsən Sabbahla problemləri var; Həsən Sabbah fədailərinə Alpagonun qalada olmadığı bir anda hücum etməyi əmr edir və bu basqında Alpaslanın bacısı Ayşim Sultan əsir götürülür. Filmin baş rollarında Cüneyt Arkın, Zeynep Aksu, Reha Yurdakul və Turgut Özatay yer alır.