Cib Herkulu: Naim Süleymanoğlu (Cep Herkülü: Naim Süleymanoğlu) (tərcümə)

Cep Herkülü: Naim Süleymanoğlu Özer Feyzioğlunun çəkdiyi, 22 noyabr 2019-cu ildə nümayişə çıxan 141 dəqiqəlik türk bioqrafik dram filmidir. Barış Pirhasanın ssenarisi əfsanəvi ağırlıqqaldıranın qardaşı Muharrem Süleymanoğlunun xatirələrini topladığı 'Kardeşim Cep Herkülü' kitabına əsaslanır; prodüserliyini Mustafa Uslu üzərinə götürmüşdür. Film idmançının 1970-ci illərdə on yaşında ikən ağırlıqqaldırma ilə tanış olmasından 1988-ci il Seul Olimpiya Oyunlarına uzanan on bir illik dövrü işləyir: on beş yaşında ən gənc dünya rekordçusu olması və ardınca gələn çempionluqlar ağ pərdəyə daşınır. Hekayənin mühüm bir hissəsi Todor Jivkov idarəçiliyinin 1984-cü ilin sonunda başlatdığı bolqarlaşdırma kampaniyasına və Naimin ölkədən qaçış cəhdlərinə ayrılmışdır. Baş rolda Hayat Van Eckin yer aldığı filmdə Yetkin Dikinciler, Selen Öztürk, Gürkan Uygun, İsmail Hacıoğlu və Uğur Güneş oynayır. Çəkilişlər Türkiyə, Bolqarıstan, Avstraliya, Braziliya, İngiltərə, ABŞ və Moskvada aparılmışdır.