Dil Chahta Hai

Dil Chahta Hai, Farhan Akhtarın ssenarisini yazıb ilk dəfə rejissorluq etdiyi 2001-ci il tarixli hind dilində böyümə və komediya-dram filmidir. Ritesh Sidhwaninin prodüserliyini öz üzərinə götürdüyü film, ikilinin birlikdə qurduğu Excel Entertainment şirkətinin ilk istehsalı kimi 2001-ci il avqustun 10-da ekranlara çıxdı. Akhtar hekayəni müxtəlif şəhərlərə etdiyi səyahətləri nəql edən şəxsi gündəliklərindən yola çıxaraq yazmışdır.

Film universiteti bitirən və ayrılmaz bir üçlük yaradan Akash, Sameer və Sidin yetkinliyə addım atarkən məhəbbət, dostluq və həyat seçimləri ilə bir-birlərindən uzaqlaşmalarını mövzu edir. Baş rollarda Aamir Khan, Saif Ali Khan və Akshaye Khanna yer alarkən, Preity Zinta, Sonali Kulkarni və Dimple Kapadia mühüm köməkçi rollardadır. Hindistan və Avstraliyada çəkilən film sinxron səsdən istifadə edən ilk hind filmlərindən biri olmuşdur. Şəhərlərdə kommersiya uğuru qazanan film, 49-cu Milli Film Mükafatlarında iki, 47-ci Filmfare Mükafatlarında yeddi mükafat qazanmış və zamanla hind kinosunda gənclik anlatısını yenidən tərif edən kult bir filmə çevrilmişdir.