Qara Pul Sevgi (Kara Para Aşk) (tərcümə)

Kara Para Aşk, Ay Yapım imzası ilə 12 mart 2014-cü ildə atv-də yayımlanmağa başlayan, aksiyon, detektiv və dram janrlarını birləşdirən türk televiziya serialıdır. Prodüserliyini Kerem Çatayın üzərinə götürdüyü serialın rejissoru Ahmet Katıksız, ssenarisini isə Eylem Canpolat və Sema Ergenekon qələmə almışdır. Təxminən 130 dəqiqəlik 54 bölüm və iki mövsümdən ibarət olan layihə 15 iyul 2015-ci ildə final etmiş; beynəlxalq bazarlarda isə hər biri 45 dəqiqəlik 164 qısa bölümə bölünərək təqdim olunmuşdur.

Baş rollarını Tuba Büyüküstün, Engin Akyürek və Erkan Canın bölüşdüyü serialda komissar Ömerin nişanlısı Sibel ilə Elifin atasının bir avtomobildə ölü tapılması üzərinə iki yadın yolları kəsişir. Ömer cinayətin arxasındakı həqiqəti araşdırarkən Elif də atasının qaranlıq keçmişi ilə üzləşir. İkinci mövsümdə Nebahat Çehre və Tuvana Türkay ayrılmış, Öykü Karayel heyətə qatılmışdır. Yüksək reytinqlər əldə edən serial bir çox ölkəyə satılmışdır.