Malazgirt 1071

Malazgirt 1071, Səlcuqlarla Bizanslılar arasında 1071-ci ildə baş vermiş Malazgirt Döyüşünü və bu döyüşə aparan prosesi anladan Türk istehsalı tarixi döyüş və müharibə filmidir. Çəkilişləri 2019-cu ildə tamamlanan istehsal, pandemiya səbəbindən təxirə salındıqdan sonra 11 Fevral 2022-ci ildə ekranlara çıxıb. İlk elan edildiyi zaman "Malazgirt 1071: Bizans'ın Kıyameti" adını daşıyan filmi Özgür Bakar və Bilal Kalyoncu birlikdə çəkib, ssenariyə Alper Kıvılcım da ikiliyə qoşulub.

Hekayə, Anadolunu türklərə vətən etmək istəyən Səlcuq Sultanı Alp Arslan ilə türkləri bu torpaqlardan çıxarmağı hədəfləyən Bizans İmperatoru Romen Diyojenin üz-üzə gəlişini mövzu alır. İki ordunun Malazgirt düzündəki böyük toqquşması Anadoluda türk varlığının başlanğıcı kimi qiymətləndirilir. Cengiz Coşkun Alp Arslanı, Caner Kurtaran isə Romen Diyojeni canlandırırkən heyətdə Vildan Atasever, Haluk Piyes və Nizamülmülk rolunda Hasan Küçükçetin yer alır. İstehsal tənqidçilər və tamaşaçılar tərəfindən əsasən mənfi qarşılanıb.