Mustang

Mustang, Deniz Gamze Ergüvenin ilk uzunmetrajlı rejissorluq təcrübəsi olan 2015-ci il istehsalı dram və yetkinləşmə filmidir. Ssenarisini Ergüvenin Alice Winocour ilə birlikdə yazdığı film Fransa, Almaniya, Türkiyə və Qətərin birgə layihəsidir və türk dilində çəkilmişdir. Hekayə İneboluda ata tərəfdən nənələri və əmiləri ilə yaşayan beş yetim bacının, oğlan dostları ilə oynadıqları məsum oyunun qalmaqala çevrilməsi ilə evə qapadılmalarını və bir-bir ərə verilməyə çalışılmalarını danışır. Ən kiçik bacı Lalenin gözü ilə nəql olunan hekayədə bacılar təzyiqə qarşı azadlıqlarını axtarırlar.

Film dünya premyerasını 2015-ci il Kann Film Festivalının Rejissorların On Beş Günü bölməsində etdi və Europa Cinemas Label mükafatını qazandı. Fransa adından 88-ci Oskar mükafatlarında Xarici Dildə Ən Yaxşı Film namizədliyi əldə etdi; Sezar mükafatlarında Ən Yaxşı İlk Film və Ən Yaxşı Orijinal Ssenari daxil olmaqla dörd mükafat aldı. Həmçinin Avropa Parlamentinin Lux mükafatını da qazandı.