Oh Olsun

Ertem Eğilmezin çəkdiyi və prodüserliyini üstləndiyi "Oh Olsun", 1973-cü il istehsalı Türk komediya filmidir. Ssenarisini Sadık Şendilin qələmə aldığı film Arzu Film tərəfindən istehsal olunmuş, çəkilişlərindən sonra 1974-cü ilin yanvarında ekrana çıxmışdır. Şendilin ssenarisi eyni il Altın Portakal Film Festivalında Ən Yaxşı Ssenari Mükafatına layiq görülmüşdür.

Hekayə, fabrikant Fehmi Haznedarın üç oğlunun atalarına dediyi yalanların üzə çıxması ilə başlayır. Ata oğullarını cəza olaraq öz fabrikində fəhlə edir; oğullarından Ferit burada Burhan Ustanın qızı Aleve aşiq olur və ikili gizlicə evlənmək məcburiyyətində qalır. Baş rolları Tarık Akan ilə Hale Soygazinin bölüşdüyü filmdə Hulusi Kentmen, Münir Özkul, Kemal Sunal, Halit Akçatepe, Adile Naşit və Metin Akpınar rol alır. Füsun Önalın ifa etdiyi filmlə eyniadlı mahnının sözləri və musiqisi Oktay Yurdatapana aiddir.