Şahzadənin yuxusu (Prensesin Uykusu) (tərcümə)

Prensesin Uykusu, Çağan Irmakın yazıb rejissorluq etdiyi 2010-cu il istehsalı Türk komediya-dram filmidir. Irmak ssenarini Redd qrupunun 2006-cı il tarixli Kirli Suyunda Parıltılar albomundakı "Prensesin Uykusuyum" mahnısından ilhamlanaraq qələmə almış; film musiqilərini də yenə Redd hazırlamışdır. İstehsalı Most Production və İmaj üstləndiyi halda çəkilişlər 2010-cu ilin aprelində başlamış və əsasən Halkalı ilə Yeşilköydə aparılmışdır.

Film kitabxanada çalışan və öz kiçik dünyasında sakit həyat sürən Azizin hekayəsini danışır. Bərbər Seçil və onun 10 yaşlı qızı Gizemin Azizin yaşadığı binaya köçməsi ilə rəngarəngləşən həyatı kiçik qızın uzun bir yuxuya dalması ilə kölgələnir; bina sakinləri bir araya gələrək taleyi dəyişməyə çalışır. Film dünya premyerasını London Türk Film Festivalında etmiş, 19 noyabr 2010-cu ildə Türkiyədə nümayişə çıxmışdır.