Recep İvedik 2

Recep İvedik 2, 2009-cu ildə ekranlara çıxan türk komediya filmidir. Şahan Gökbakarın həm baş rolunu öz üzərinə götürdüyü, həm də ssenarisini yazdığı layihənin rejissorluğunu qardaşı Togan Gökbakar öz üzərinə götürmüşdür. Faruk Aksoyun prodüserliyi altındakı film Aksoy Film imzasını daşıyır və seriyanın ilk həlqəsinin davamı xarakterindədir.

Filmdə, ictimai qaydalara çox da uyğunlaşa bilməmiş, kobud-sərt amma şirin Recep İvedikin macərası davam edir. Yaşlı nənəsinin; Recepin müntəzəm bir iş tapıb evlənməsini və hörmət qazanmasını istəməsi üzərinə qəhrəmanımız iş axtarmağa başlayır. Girdiyi hər işdə ortalığı bir-birinə qatan Recep, qohumunun iş yerində başına gələn gülməli hadisələrlə bir tərəfdən də həyatı öyrənməyə çalışır. Baş roldakı Şahan Gökbakara Begüm Öner, Zeynep Çamcı və Esin Gündoğdu kimi adlar müşayiət edir.

Əsasən İstanbulda keçən film, kassada böyük maraqla qarşılanaraq dövrün ən çox izlənən türk istehsalları arasına girmiş, milyonlarla tamaşaçıya çatmışdır. Digər tərəfdən, obrazın bəzi davranışları müxtəlif dairələr tərəfindən tənqid edilmişdir.