Recep İvedik 4

Recep İvedik 4 21 fevral 2014-cü ildə nümayişə çıxan və Recep İvedik seriyasının dördüncü halqası olan türk komediya filmidir. Rejissorluğunu Togan Gökbakarın üzərinə götürdüyü, ssenarisini baş rol aktyoru Şahan Gökbakarın yazdığı filmdə Recep məhəlləsindəki uşaqlardan ibarət futbol komandasını məşq etdirir. Məşq etdikləri və özünün də uşaqlığında top oynadığı ərazi bir kapital sahibi tərəfindən satın alınanda sahəni xilas etmənin yeganə yolunun onu öz imkanları ilə almaq olduğuna qərar verir.

Recep bunun üçün böyük mükafatlı Survivor müsabiqəsinə qatılır və hekayə çəkilişlərin aparıldığı Maldiv adalarına köçür. Çamaşırhane istehsal şirkətinin prodüserliyi ilə çəkilən film 7,4 milyona yaxın tamaşaçı ilə Recep İvedik 5-dən sonra Türkiyədə bütün zamanların ən çox izlənilən ikinci filmi olmuşdur. Baş rollarda Şahan Gökbakarla yanaşı İrfan Kangı, Nurullah Çelebi, Ali İhsan Varol və Cem Korkmaz yer alır.