Martin Frost'un Daxili Həyatı (The Inner Life of Martin Frost) (tərcümə)

The Inner Life of Martin Frost, Paul Austerin yazıb rejissorluq etdiyi 2007-ci il tarixli filmdir. Film dördüncü romanını üç illik bir işdən sonra bitirən yazıçı Martin Frostun dincəlmək üçün dostunun boş kənd evinə çəkilməsi ilə başlayır. Yeni bir hekayəyə girişməyə qərar verən Martin bir səhər yanında tanımadığı cazibədar bir qadınla oyanır; özünü ev sahibinin qohumu Claire kimi tanıdan bu qadın qısa müddətdə evə yerləşir. İkili arasında cücərən məhəbbət yazılmaqda olan hekayə ilə iç-içə keçərkən Martinin zehnini tək bir sual gəmirir: Claire həqiqətən iddia etdiyi şəxsdirmi?

Film Austerin Yanılsamalar Kitabı romanında nəql olunan xəyali bir filmdən real bir tammetrajlı filmə çevrildi; rejissorun ikinci, ssenarist kimi dördüncü işidir. Baş rollarda David Thewlis, Irène Jacob və Michael Imperioli yer alır. ABŞ, Fransa, Portuqaliya və İspaniyanın birgə istehsalı olan film 2006-cı ilin yazında Portuqaliyada, Sintra yaxınlığındakı Azenhas do Marda çəkildi. 2007-ci ilin martında New Directors/New Films festivalında premyerasını keçirdikdən sonra 2007-ci il sentyabrın 7-də ABŞ-da ekranlara çıxdı.