Ən Uzun Ov (Spara, Gringo, spara) (tərcümə)

Spara, Gringo, spara, beynəlxalq adı ilə The Longest Hunt və Shoot, Gringo... Shoot!, 1968-ci il tarixli bir İtaliya spaqetti vesterndir. İtalyanca çəkilən filmin müddəti 83 dəqiqədir. Rejissor kreslosunda Bruno Corbucci oturur; ssenarini Mario Amendola ilə birlikdə yazmışdır. Fransada Tire, Django, tire adı ilə bilinən layihədə Corbucci, Frank B. Corlish təxəllüsü ilə də xatırlanır.

Baş rolları Brian Kelly ilə Keenan Wynn bölüşür. Heyətdə Erika Blanc, Krista Nell, Ignazio Leone, Luca Sportelli, Folco Lulli, Rik Battaglia, Linda Sini və Enzo Andronico da yer alır. Little Tonynin ifa etdiyi və Rainbow... vorrei... vorrei adını daşıyan mahnı filmin tema mahnısıdır.

Vestern mütəxəssisi Sergio Corbuccinin qardaşı Bruno üçün bu, janrdakı ilk sınaqdır; parodiya xarakterli The Three Musketeers of the West istisna olmaqla bir daha vestern çəkməmişdir. Film Alman dilli ölkələrdə Im Staub der Sonne adı ilə 13 avqust 1971-ci ildə ilk dəfə göstərilmiş və nisbətən müsbət qarşılanmışdır. Tənqidçi Alex Cox isə kitabında layihəni orijinal tapmır, cansıxıcı sayır və rejissorluq istedadının ailədən keçmədiyini yazır.