Ankara Express (Ankara Ekspresi) (përkthyer)

Ankara Ekspresi është një film spiunazhi turk bardhë e zi i vitit 1952. Aydın Arakon e ka drejtuar filmin dhe e ka shkruar edhe skenarin. Prodhimi, i adaptuar nga romani me të njëjtin emër i Esat Mahmut Karakurt, është punë e Atlas Film dhe prodhimin e ka ndërmarrë Nazif Duru. Filmi, që bashkon elementë lufte, drame dhe emocionalë, radhitet mes filmave të Yeşilçam-it për Luftën e Dytë Botërore.

Historia zhvillohet në Turqi gjatë viteve të Luftës së Dytë Botërore. Romani është botuar menjëherë pas luftës, në 1946. Gjermania, shteti i fuqishëm i kohës, dëshiron ta pushtojë edhe Turqinë; për këtë qëllim dërgon në Stamboll agjentët e saj më të zgjedhur. Në ekip është edhe një spiune shumë e bukur, Fräulein Hilda, dhe fjalëkalimi i fillimit të operacionit është "Ankara Ekspresi". Përballë tyre qëndron Majori Seyfi, një nga oficerët e guximshëm të inteligjencës së ushtrisë turke. Beteja vazhdon në linjën Stamboll-Ankara. Hilda-n e luan Zeynep Sırmalı, Seyfi-n Turan Seyfioğlu. Atıf Kaptan luan një oficer nazist, Mümtaz Ener një oficer, ndërsa Nubar Terziyan njeriun e Seyfit. Në ekip janë edhe Bakiye Feyazoff, İlonka Molnar, Celal Sururi dhe Ali Sururi.

Drejtori i fotografisë është İlhan Arakon, ndihmësregjisori Nevzat Duru; muzikën e kanë përgatitur Nedim Otyam dhe Sati Lir. Në zbatimin e dekoreve ka marrë pjesë Mengü Ertem.