Ataturku 1881-1919 (Atatürk 1881-1919) (përkthyer)

Atatürk 1881-1919 është një film biografik historik turk në dy pjesë, i drejtuar nga Mehmet Ada Öztekin dhe me skenar të Necati Şahin. Në rolin kryesor të prodhimit, që trajton vitet e rinisë dhe periudhën e hershme të karrierës ushtarake të Mustafa Kemal Atatürk, themeluesit të Republikës së Turqisë, është Aras Bulut İynemli, të cilin e shoqërojnë një kast i gjerë aktorësh dytësorë. Shoqëria prodhuese e filmit, producentë ekzekutivë të të cilit janë Saner Ayar dhe Cengiz Çağatay, është O3 Medya.

Projekti fillimisht u konceptua si një serial me gjashtë episode për Disney+, por më pas u shndërrua në dy filma për kinema. Pjesa e parë, pasi u shfaq në televizion në kanalin FOX më 29 tetor 2023, në njëqindvjetorin e republikës, doli në kinematë e Turqisë më 3 nëntor 2023. Vazhdimi me titull Atatürk II 1881-1919 u paraqit më 5 janar 2024 dhe të dyja pjesët u transmetuan më vonë në Amazon Prime Video.