Bath (Banyo) (përkthyer)

Banyo është një film turk komedi-dramë i vitit 2005, regjinë dhe skenarin e të cilit i mori përsipër Mustafa Altıoklar. Skenari nuk është një tekst origjinal, por është përshtatur për ekran nga pjesa teatrale me të njëjtin emër e Gül Abus Semercit; prodhimin e realizuan bashkërisht Mehmet Altıoklar, Şahin Alparslan dhe Emine Altıoklar. Filmi rreth 87-minutësh doli në kinema në shtator 2005.

Ana e filmit që bie më shumë në sy është përdorimi i hapësirës: të gjitha ngjarjet zhvillohen vetëm në tri banja. Dy prej tyre janë banjat e dy apartamenteve ngjitur, kurse e treta është një banjë tjetër që i sheh nga përballë këto dy hapësira. Në këto hapësira të ngushta tregohen historitë e ndërthurura të tri çifteve të ndryshme dhe të një studenti arti që bën vëzhgime për projektin e vet. Në rrëfimin e ndërtuar mbi konfliktet burrë-grua, tradhtitë dhe cenimin e intimitetit me vojerizëm luajnë aktorë si Selçuk Yöntem, Burak Sergen dhe Demet Evgar.