Luani i Stepës Jalaluddin (Bozkır Arslanı Celaleddin) (përkthyer)

Bozkır Arslanı Celaleddin (uzbekisht: Mendirman Jaloliddin) është një serial televiziv historik, aksioni dhe dramatik, bashkëprodhim i Turqisë dhe Uzbekistanit. Regjinë e veprës, të prodhuar nga Mehmet Bozdağ nën çatinë e Bozdağ Film në bashkëpunim me Ministrinë e Kulturës dhe Sportit të Uzbekistanit, e mori përsipër Metin Günay. Seriali, xhirimet e të cilit u bënë si në Turqi ashtu edhe në Uzbekistan, doli në ekran me episodin e parë më 14 shkurt 2021 në Milliy TV në Uzbekistan; ndërsa në Turqi filloi të transmetohej më 21 maj 2021 në atv. Sezoni i dytë u shfaq në Uzbekistan në Zo'r TV dhe seriali vazhdoi deri në vitin 2023 me gjithsej 30 episode.

Vepra tregon jetën e Xhelaledin Harezmshahut, sundimtarit të fundit të shtetit të Horezmshahëve, dhe luftën e tij kundër Xhengis Kanit; sjell në ekran përpjekjen e komandantit, që mundi ushtrinë mongole në Betejën e Pervanit, për ta mbrojtur perandorinë e vet deri në frymën e fundit. Emre Kıvılcımin në rolin kryesor e shoqërojnë aktorë turq e uzbekë si Cemal Hünal, Sezgin Erdemir, Feruza Normatova dhe Saida Rametova.