Burra të Lirë (Free Men) (përkthyer)

Les Hommes libres (Free Men) është një dramë lufte franceze e vitit 2011, të cilën Ismaël Ferroukhi e shkroi bashkë me Alain-Michel Blancin dhe e drejtoi. Filmi me firmën e Pyramide Productions sjell në ekranin e madh kontributin e myslimanëve me origjinë nga Magrebi në Rezistencën Franceze, në Parisin nën pushtimin gjerman, dhe rolin e tyre në mbrojtjen e hebrenjve, duke u nisur nga një pjesë historie kryesisht e patreguar. Ky është metrazhi i dytë i gjatë i Ferroukhit pas Le grand voyage.

Në qendër të historisë është emigranti algjerian Younes Ben Daoud, që jeton nga tregu i zi; pas arrestimit ai pranon të përgjojë Xhaminë e Parisit, por gradualisht kthehet në një rezistent falë këngëtarit hebre algjerian Salim Halali, që e njeh rreth xhamisë, dhe rrjetit mbrojtës të kryetarit të xhamisë Si Kaddour Benghabrit, i cili u siguronte hebrenjve identitete të rreme myslimane. Në filmin ku Tahar Rahim luan Younesin e trilluar dhe Michael Lonsdale figurën e vërtetë historike Benghabrit, luan edhe Lubna Azabal.