Dr. House (House)

House (me titullin origjinal House M.D.), serial dramë mjekësore amerikane e transmetuar në kanalin Fox nga 16 nëntori 2004 deri më 21 maj 2012 gjatë tetë sezoneve dhe 177 episodëve. Seriali zhvillohet rreth doktorit gjenial i varur nga qetësuesit dhe misantrop Gregory House (Hugh Laurie), i cili drejton ekipin diagnostikues në Princeton-Plainsboro Teaching Hospital të trilluar në New Jersey. House, i cili nuk i respekton rregullat e spitalit, shpesh hyn në konflikt me shefen e tij Lisa Cuddy (Lisa Edelstein); i vetmi mik i tij i vërtetë është shefi i departamentit të onkologjisë James Wilson (Robert Sean Leonard).

Idja e serialit i përket Paul Attanasio-s dhe është zhvilluar nga David Shore; ndër producentët ekzekutivë gjenden gjithashtu Katie Jacobs dhe Bryan Singer. House, i cili qëndroi ndër 10 serialet më të shikuara në SHBA nga sezoni i dytë deri në sezonin e katërt, u bë në 2008 programi televiziv më i shikuar në botë, duke fituar pesë çmime Emmy, dy Globet e Arta dhe një çmim Peabody.