Mbretëresha Margot (film, 1994) (La Reine Margot (film, 1994)) (përkthyer)

La Reine Margot është një film dramë historike i vitit 1994, bashkëprodhim i Francës, Italisë dhe Gjermanisë, i regjisuar nga Patrice Chéreau. Skenari, i shkruar bashkërisht nga Chéreau dhe Danièle Thompson, është përshtatur nga romani me të njëjtin titull i vitit 1845 i Alexandre Dumas-së. Në rolet kryesore janë Isabelle Adjani, Daniel Auteuil, Jean-Hugues Anglade, Vincent Perez dhe Virna Lisi; muzikën e ka firmosur Goran Bregović.

Filmi rrëfen konfliktin mes katolikëve dhe protestantëve hugenotë në Francën e shekullit të 16-të, martesën që Catherine de Médicis rregulloi për të bijën, Margot, me mbretin e Navarës, Henri, si dhe Masakrën e Shën Bartolomeut që erdhi më pas. Dashuria e Margot me La Môle ecën e ndërthurur me intrigat e oborrit dhe lojërat për fron. Prodhimi, i xhiruar për më shumë se gjashtë muaj gjatë vitit 1993 në Francë dhe Portugali, fitoi Çmimin e Jurisë në Festivalin e Filmit në Kanë 1994, i solli Virna Lisit çmimin për aktoren më të mirë dhe mori pesë çmime César.