Magjistarë (Magi) (përkthyer)

Magi është një film horror turk i vitit 2016, me regji dhe skenar të Hasan Karacadağ-ut. Megjithëse është prodhim turk, gjuha origjinale e filmit është anglishtja dhe historia zhvillohet në Stamboll. Filmi u shfaq në ekranet e Turqisë më 29 prill 2016.

Në qendër të historisë ndodhen dy motra: Marla Watkins, e cila është vendosur në Stamboll dhe jep mësim anglishteje në një shkollë gjuhësh, dhe Olivia, që bën gazetari në Nju Jork. Kur Olivia mëson se motra e saj, shtatzënë dhe sapo e ndarë nga bashkëshorti i saj iranian, ndodhet në një situatë të vështirë, vjen në Turqi; natën kur mbërrin Olivia, Marla bie viktimë e një vrasjeje misterioze dhe Olivia tërhiqet në një hetim plot tension. Në aktrim marrin pjesë Lucie Pohl, Brianne Davis, Michael Madsen, Stephen Baldwin, Dragan Mićanović dhe Kenan Ece.