Dhëndri i ardhshëm (Müstakbel Damat) (përkthyer)

Müstakbel Damat është një film turk komedi i vitit 2020. Regjinë e filmit e mbajti përsipër İlker Ayrık, i cili luan edhe në rolin kryesor, ndërsa skenari i përket M. Serdar Fırat dhe Serhat Sarı-t. Filmi, me kohëzgjatje 103 minuta, doli në ekranet më 13 mars 2020.

Filmi tregon historinë e një dhëndri të ardhshëm që niset të kërkojë vajzën që do nga familja e saj. Sema dhe Hasan janë një çift që bëjnë plane martese. Hasan shkon nga Stambolli në Qipro për të kërkuar Semën, vajzën e një familjeje qipriote; por sapo shkel në ishull, jeta e qetë e ishullit përmbyset. Për shkak të Hasanit, i cili kur nervozohet i ngatërron gjërat, familja përballet me situata të çuditshme njëra pas tjetrës. Rolet kryesore i ndajnë Erdal Özyağcılar, İlker Ayrık dhe Hande Soral.