Neuilly sa mom! (Neuilly sa mère !) (përkthyer)

Neuilly sa mère ! është një film komedi francez i vitit 2009, i drejtuar nga Gabriel Julien-Laferrière. Filmi, që zgjat rreth 90 minuta, e përdor pabarazinë shoqërore si mjet humori dhe nga ky aspekt është krahasuar me komedinë franceze të vitit 1988 La vie est un long fleuve tranquille. Edhe titulli është një lojë fjalësh: titulli, që fjalë për fjalë do të thotë «Neuilly është nëna e tij», të kujton një sharje të vrazhdë franceze të gjuhës së rrugës (nique ta mère) dhe në këtë sharje Neuilly shërben si një lloj eufemizmi.

Në rolin kryesor është Samy Seghir, që luan një të ri me prejardhje nga Afrika e Veriut, i detyruar të shpërngulet nga pallatet e periferisë në Neuilly-sur-Seine, një nga lagjet e përzgjedhura të Parisit. Historia e trajton me humor përpjekjen e të riut për t'u përshtatur me këtë mjedis të ri shoqëror, mjaft të huaj për të. Seghirit i bashkohen Valérie Lemercier, Michel Galabru, Ramzy Bedia, Éric Berger, Julien Courbey, Booder, Mokobé, Pierre Ménès dhe Chloé Coulloud; mes aktorëve numërohen edhe emra si Rachida Brakni, Denis Podalydès, Élie Semoun, Éric Judor, François-Xavier Demaison dhe Frédéric Chau.

Skenarin e kanë shkruar së bashku Philippe de Chauveron, Djamel Bensalah dhe Gilles Laurent. Vazhdimi i filmit, Neuilly sa mère, sa mère !, u xhirua në vitin 2018.