Tabuja e Teheranit (Tehran Taboo) (përkthyer)

Tehran Taboo është një film animacioni dramatik për të rritur në gjuhën perse, bashkëprodhim gjermano-austriak i vitit 2017, shkruar e drejtuar nga Ali Soozandeh. Në veprën e realizuar me teknikën e rotoskopisë, aktorët u xhiruan para një sfondi të gjelbër, ndërsa dekoret e Teheranit, që bashkojnë vizatimet tradicionale me pamjet dixhitale, u shtuan më pas. Filmi ndjek historitë e tri grave të reja dhe të një djaloshi muzikant, rrugët e të cilëve kryqëzohen në Teheranin plot ndalesa; ai trajton qorrsokakët e personazheve që kërkojnë liri e lumturi përballë rregullave të rrepta fetare të Iranit dhe standardeve të dyfishta që ato lindin, sidomos përmes pozitës së gruas në shoqëri dhe jetës seksuale të kufizuar.

Filmi, që pati premierën botërore më 20 maj 2017 në seksionin e Javës së Kritikës të Festivalit të Filmit të Kanës, doli në shfaqje më 16 nëntor në Gjermani dhe më 30 nëntor 2017 në Austri, ndërsa në Shtetet e Bashkuara të Amerikës u shfaq në shkurt 2018.